Муниципалитетте мэрдин биринчи орун басары Мирланбек Байгончоков менен Каспер лабораториясынын Борбордук Азиядагы жана Монголиядагы башкаруучу директору Валерий Зубанов "Санариптик технологиялар борбору" муниципалдык ишканасынын  кызматкерлерин квалификациясын жогорулатуу менен куттуктап, сертификаттарды тапшырышты.

Ишкананын кызматкерлери "Каспер лабораториясы" борборунда "Киберкоопсуздук" деген темада онлайн курстан өтүштү.

Окуу процессинде ишкананын кызматкерлери компьютердик чабуулдарды аныктоо ыкмасын, вирустарды изоляциялоону, кибер инциденттерди иликтөөнүн негиздерин жана Бишкек шаарынын мэриясынын санариптик инфраструктурасын киберкоркунучтардан коргоого жардам берген сервердик жабдууларды коргоону өздөштүрүштү.

Окутуу Кыргыз Республикасынын Өкмөтүнүн 2019-жылдын 24-июлундагы №369 токтому менен 2019-2023-жылдарга Кыргыз Республикасынын Улуттук коопсуздук концепциясына жана киберкоопсуздук стратегиясына ылайык өткөрүлдү.