Балдардын III Эл аралык “Наристе” фольклордук фестивалынын алкагында борбор калаанын мектептеринде тынчтык сабактары өткөрүлдү.

Фестивалдын меймандары өздөрүнүн оюн-зоокторун көрсөтүштү. Өз кезегинде бишкектик мектеп окуучулары өздөрүнүн маданий иш-чараларын көрсөтүп, эстелик белектерин тапшырышты.

№4 гуманитардык-укуктук багыттагы гимназия мектебинде өткөн иш-чарага борбор калаанын мэринин орун басары  Виктория Мозгачева катышты. Тыва Республикасынан, Ош жана Талас облустарынан келген коноктор өз өнөрлөрүн тартуулашты.

Казакстан Республикасынан, Саха (Якутия) Республикасынан жана Баткен облусунан келген коноктор №40 орто мектепте болушту.

№20 ОТК мектеп-гимназиясына Санкт-Петербург, Москва, Индия  өлкөлөрүнөн, Нарын, Жалал-Абад облустарынан делегаттар келишти.

№24 мектеп-гимназиясына Башкортостан Республикасынан, Монголиядан, Ысык-Көл, Чүй облустарынан коноктор келишти.

Мектеп окуучулары келген коноктор үчүн улуттук тамак-аш боюнча көргөзмөлөрдү уюштуруп, мастер-класстарды өткөрүштү.

Коноктор – «Наристе» фестивалынын делегаттары улуттук тамак-аштар менен сыйланып, өз колдору менен курут, талкан жасап, андан сырткары кийизден, түстүү кагаздан, жүндөн буюмдарды жасап, андан соң эстелик катары алып кетишти.

Спорт сүйүүчүлөр үчүн улуттук оюндар: жаа атуу, тогуз коргоол, таяк тартыш, аркан тартыш уюштурулду.