Бишкек шаарынын мэриясынын дене тарбия жана спорт, туризм жана жаштар иштери боюнча департаменти “Гемофилия менен ооруган майыптар коому” коомдук бирикмеси, ошондой эле “ Вело Friends Позитив KG” коомдук бирикмеси менен биргеликте "Бүткүл дүйнөлүк гемофилия" күнүнө карата веложүрүш өткөрдү.
Жалпысынан 100дөн ашык адам катышты.
Веложүрүш Алма-Ата көчөсүнөн жана Түштүк магистралдын кесилишинен башталды. «Ынтымак -2» сейил багында веложарыштын катышуучулары марага чыгышты.
Ошондой эле сейил бакта кичинекей бейтап-балдар үчүн жарыш болду.
Иш-чаранын расмий бөлүгү “Ынтымак- 2” сейил багында өтүп, анда балдар үчүн чоң куурчактар, белектер жана ланч бокстор менен шоу-программа тартууланды.
Иш-чаранын соңунда эстрада жылдыздарынын катышуусунда концерттик программа уюштурулду.
Белгилей кетсек, Бүткүл дүйнөлүк гемофилия күнү жыл сайын 17-апрелде "Бүткүл дүйнөлүк саламаттыкты сактоо" уюмунун жана "Бүткүл дүйнөлүк Гемофилия" федерациясынын демилгеси менен белгиленет.
