Борбор калаанын мэриясы №65 жана 39-мектептерде, №173 жана 75-бала бакчаларда жылуулук жок болуп жатканын билдирди.

Билим берүү мекемелеринде жылытуу системасы ишке киргенде авариялык кырдаал жаралган. Аталган уюмдарга жылуулук берүү токтотулган.

Капиталдык курулуш башкармалыгы мыйзам чегинде тендерлерди ыкчам өткөрүп, подрядчылар менен келишимдерди түздү.

Маселе муниципалитеттин жетекчилигинин көзөмөлүндө.

Көйгөйлөрдү жоюуга чейин №65 мектеп онлайн окутууга өттү.