№6-мектептин кошумча имараты

№6 АОТКнын аймагынын жалпы аянты 2040 м2 , жыйындар жайы 130 орундуу сахна жана кийим алмаштыруучу жай менен долбоорлонгон.

Ошондой эле, имаратта: хореографиялык бий залы, техникалык кабинет, ийримдер жана класстар, спорт залы жана жабдууларды орнотуу үчүн бөлмөсү, машыктыруучунун бөлмөсү, чечинүүчү бөлмө, психологиялык жана валеологиялык бөлмө бар.

Имараттын жер төлөсүндө жуунучу бөлмө, кампа, чарбалык бөлмө, китеп сактоочу бөлмө жана архив бар.

Курулуш иштерин подряддык уюм – «Капитал Курулуш» ЖЧКсы жүргүзгөн.

№75 мектеп-лицейинин ачылышы

Буга чейин мектептин имараты жараксыз абалда болгон. Андыктан, 550 орундуу жаңы мектеп куруу чечими кабыл алынган.

Мектептин жер участогунун жалпы аянты 1,8 га, ал эми имараттын аянты 5607 м2.

Эки кабаттуу билим берүү мекемеси 20 класска ылайыкталган. Спорт залдын аянты 384 чарчы метрди түзөт. Мектептин жер төлөсү да бир блок болуп, анда коммуналдык кампалар, насостук станция, жылытуу блогу, вентиляциялык камера, кампа жайгашкан.

Мектеп бардык зарыл болгон көмөкчү бөлмөлөр менен курулган: гардеробу бар тамбур, санитардык бөлмөлөр, канцелярия, универсалдуу устакана, кыздар үчүн эмгек классы, кабыл алуу бөлмөсү, врачтык кабинеттер, техникалык кызматкерлер, тренер, инвентарлар бөлмөсү, дарылоо бөлмөсү, ашкана, тамактануучу зал, кийим алмаштыруучу жай, лабораториялар, китепкана, окуу залы жана жыйындар жайы.

Окуучулардын класстарынан тышкары мектеп имаратында өзүнчө блок менен бөлүнгөн музыка класстары да бар. Музыкалык класстардын жалпы аянты 424 м2.

Курулуш иштерин подряддык уюм «Эталон Винспецстрой» ЖЧКсы жүргүзгөн.