“Бишкекжарык” муниципалдык ишканасынын маалыматына караганда, 21-февралда борбор калаанын көчөлөрүндө тышкы жарыктандыруу тармактарын оңдоо жана калыбына келтирүү иштери жүрүп жатат. Мындан улам күндүз кээ бир көчөлөрдө жарык күйгүзүлөт.

Көчөлөрдү жарыктандыруунун электр тармактары белгилүү бир аймакта чыңалууну берип же алып салууну камсыз кылбайт. Ошондон улам бир нече көчөдө бир убакта жарык күйүп, ал эми «Бишкекжарыктын» энергетиктери чырактарды алмаштырып, байланыш түйүндөрүн кайра карап жатышат. Көчө жарыктары 15 мүнөттөн ашык эмес күйгүзүлөт.

Сырткы жарыктандыруу боюнча “Бишкекжарыктын” авариялык-диспетчердик кызматына кайрылыңыздар: 0312 46-30-89 жана 0312 57-63-51 WhatsApp 0777 902-115 (24/7)