Урматтуу Ленин районунун тургундары! Сиздерге ыңгайлуу болушу үчүн кошумча эки көчмө эмдөө пункту ачылды.

Биринчиси «Ала-Ара» соода борборунда (2-кабат, Чыңгыз Айтматов пр., 299б) жайгашкан, ал саат 10:00дөн 20:00гө чейин иштейт. Экинчиси «Кенч» соода үйүндө (3-кабат, «Ош-Базары» соода оюн-зоок комплексинин аймагы), иштөө убактысы 10:00дөн 17:00гө чейин.

Эскерте кетсек, Ленин районунун аймагында да эмдөө күн сайын  №1 БҮМБ, №2, 11, 12, 13, 17 ҮМБ, Темир жол бейтапканасында жана «Азия Молл» соода борборундагы  көчмө пунктта жүргүзүлүүдө.

Урматтуу шаардыктар! Эмдөөгө паспортуңузду ала келиңиз.  Өзүңүзгө жана жакындарыңызга кам көрүңүз!