"Социалдык жатакана" муниципалдык мекемесинин тарбиялануучусу Куванычбек Талдыбеков Чебоксары шаарында чуркоо боюнча мелдеште 1 -орунду ээледи.
Эске салсак, быйыл социалдык жатакананын төрт студенти И.Н. Ульянов (Чебоксары шаары) атындагы Чуваш мамлекеттик университетине окууга өткөн.
Биз окуучуларыбыздын ийгилигине кубанычтабыз, алар биз менен байланышып, жетишкендиктери менен бөлүшүп турушат.
Бишкек шаардык мэриясынын Социалдык өнүктүрүү башкармалыгынын алдындагы "Социалдык жатакана" муниципалдык мекемеси 63 кишиге эсептелген. Учурда ал жерде 31 адам жашайт.
Жатаканада болуу мөөнөтү 1 жылдан 2 жылга чейин, интернаттын бүтүрүүчүлөрүнө: бекер жатакана, ишке орношуу үчүн социалдык колдоо, кайра даярдоо жана документтерди калыбына келтирүү кызматтары көрсөтүлөт.
