"Бишкекжылуулукэнерго" коммуналдык ишканасынын директору Баимбет Байгараев ишкананын бөлүмдөрүнүн бардык жетекчилери менен иш жыйын өткөрдү.
Жыйында күз-кыш мезгилине даярдык көрүү боюнча отчет жана эпидемиологиялык абал, коронавирустук инфекциянын жайылышына каршы күрөшүү боюнча көрүлүп жаткан чаралар каралды.
Азыркы учурда күз-кыш мезгилине даярдык көрүү аяктоо алдында турат. Өткөн жумада башкы инженер баш болгон өндүрүштүк-техникалык бөлүмдүн, энергетика кызматтын кызматкерлеринин катышуусу менен отканалардын абалын текшерип чыгышты. 66 откананын 98% жылуулук берүү мезгилине даяр.
Жыйындын соңунда директор бөлүм башчыларына күн сайын отканаларды текшерүүнү жана ошондой эле санитардык-эпидемиологиялык нормаларды жана талаптарды катуу сактоону тапшырды. Кадрлар бөлүмүнө эмдөө алуу зарылчылыгы жөнүндө кызматкерлердин арасында түшүндүрүү иштерин жүргүзүү тапшырмасы берилди.
Анткени, эмдөө-коронавирустук инфекциясынын жайылышын алдын алуу боюнча эң натыйжалуу ыкма.
