Октябрь районунун башчысы Мирлан Эшкожоев жогорку Көк-Жардын  тургундары менен жолукту.

Жолугушуу "суроо-жооп" форматында өттү, анда шаардыктардан  эң курч жана көйгөйлүү суроолор  берилип, муниципалитеттин иши боюнча пикирлер, сунуштар айтылды.

Жолугушууда район башчысы шаардыктарга борбордук канализацияга кошуу иштери октябрь айында башталаарын маалымдады. Бул иштерди Капиталдык курулуш башкармалыгы аткарат.  "Бишкекасфальтсервис" муниципалдык ишканасы  7-апрель көчөсүнөн "Кум-Шагыл"  ЖАК заводунун көпүрөсүнө чейинки баруучу жолго асфальт төшөйт.


Райондук администрация "Газпром Кыргызстан" ЖЧКсынын "Бишкекгаз" филиалы менен биргеликте жогорку Көк-Жардын 20-кварталын газдаштыруу маселесин карап жатат.