Свердлов райондук администрациясында  райондун башчысы Бахтияр Карамшаковдун төрагалыгы астында шаардык, райондук кызматтардын башчыларына жана райондук МАБ жетекчилерине  кезектеги пландуу жыйын өткөрүлдү.

Ага муниципалдык администрациянын жооптуу кызматкерлери, жетекчилери, шаардык жана райондук кызматтардын, ошондой эле райондук МАБдын кызматкерлери катышты.

Жолугушууда "Бишкекшаарлифт" муниципалдык ишканасынын башкы инженери Эрик Эшимбековдун Свердлов районунун аймагындагы муниципалдык ишкананын 2021 -жылдын 8 айында аткарган иштери тууралуу маалыматы угулду. Ошондой эле, коомдук-саясий абал жана Свердлов районундагы коронавирустук инфекцияга (COVID-19) каршы эмдөө иштери боюнча суроолор каралды.

Жолугушуунун жыйынтыгында МАБдын башчыларына лифттери бар көп кабаттуу турак үйлөрдө үй ээлеринин ассоциациясынын түзүү, жашоочулардын “Бишкекшаарлифт” муниципалдык ишканасына болгон карыздарды азайтууга көмөк көрсөтүү тапшырылды. Райондук билим берүү борборунун директоруна райондогу билим берүү уюмдары үчүн аба рециркуляторлорун сатып алуу тапшырылмасы берилди.

Мындан тышкары райондун мекемелердин, МАБдын жетекчилерине, калк, кызматкерлер, мугалимдер, тарбиячылар арасында коронавирус инфекциясына (COVID-19) каршы вакцинаны алуу боюнча түшүндүрүү иштерин жүргүзүүнү күчөтүү тапшырылды.