"Бишкексууканал"  башкармалыгынын билдирүүсү боюнча, 21 -сентябрда саат 9:00дөн 18:00гө чейин борбор калаанын айрым райондорунда ичүүчү суу токтотулат.

Убактылуу өчүрүү  "Контррезервуар" суу алуучу жайындагы жана шаардык суу түтүктөрүндөгү техникалык тейлөө жана оңдоо иштерине байланыштуу жүргүзүлөт. Турак үйлөр, мектептер, мектепке чейинки мекемелер, саламаттыкты сактоо мекемелери жана башка социалдык -тиричилик объекттери жана өндүрүш суусуз калат.

Өчүрүү  Достоевский, М.Горький, Ауэзов көчөлөрү  жана темир жол линиясы, "Алтын Ордо", "Кара-Жыгач", "Полиция шаарчасы" жаңы конуштары чектешкен аймакта болот.

Борбор калаанын мэриясы келтирилген ыңгайсыздык үчүн кечирим сурайт жана шаардыктардан,  уюмдардан ичүүчү сууну камдап алууну суранат.