Борбор калаанын мэри Айбек Жунушалиев Европа реконструкциялоо жана өнүктүрүү банкынын Борбордук Азия боюнча регионалдык директору Айтен Рустамова менен жолукту.

Жолугушууда биргелешкен долбоорлорду ишке ашыруу талкууланды. Тактап айтканда, “Бишкек шаарындагы катуу таштандыларды башкаруу системасын жакшыртуу”, “Бишкекте коомдук транспортту өнүктүрүү”, “Бишкек шаарынын суу менен жабдуу жана канализация системаларын реабилитациялоо” долбоорлору.

Ошондой эле, тараптар  жашыл шаар тармагында ири долбоорлорду ишке ашыруу боюнча макулдашышты.

Мэр шаардын инфраструктурасын өнүктүрүүдө маанилүү болгон долбоорлорду колдогону үчүн ыраазычылык билдирди. Өз кезегинде ЕРӨБдүн регионалдык директору бул анын жаңы кызматка дайындалгандан бери биринчи жолугушуусу экенин белгиледи.