Калкты вакцинациялоо боюнча кеңири масштабдагы акциянын алкагында борбор шаарда "Эмдөө алып, өзүңүздөрдү жана жакындарыңыздарды сактаңыздар!" урааны менен флешмобдор өткөрүлдү.

Иш-чараларды Бишкек шаарынын мэриясынын шаардык саламаттык сактоо башкармалыгы шаардык үй -бүлөлүк медицина борборлорунун медицина кызматкерлери менен бирге шаардын төрт районунун акимчилигинин колдоосу менен уюштурду.
Дарыгерлер менен бирге Курманжан Датканын эстелигинин жанында №28 мектеп лицейинин  "Жетиген" ансамбли, "Азия Молл", "ГУМ"соода-көңүл ачуу борборлорунда жана Жеңиш аянтында "Дарика" бий тобу жана "Каухар" бий ансамбли катышышты.

"Томми" соода жана оюн-зоок борборунда ата-мекендик эстрада жылдыздары шаардыктар үчүн концерт коюп, дарыгерлер эмдөөнүн артыкчылыктары жана пандемияны жеңүүдө  эмдөөнүн мааниси жөнүндө кеңири айтып беришти.
Флешмобдорго үй -бүлөлүк медицина борборлорунун  420 дарыгерлери катышты.

Эскерте кетсек, акциянын алкагында Бишкектеги ҮМБда эмдөөдөн өтүүнүн маанилүүлүгү жана зарылдыгы боюнча активдүү түшүндүрүү иштери менен бирге, шаарда катталган жана катталбаган калктын медицина адистери тарабынан бекер медициналык кароо уюштурулган.

Урматтуу шаардыктар! Эмдөө-коронавирус инфекциясынын жайылышын алдын алуу боюнча эң натыйжалуу ыкма. Эмдөө алып, өзүңүздөрдү жана жакындарыңыздарды сактаңыздар!