Бишкек шаарынын мэриясында Бишкек шаарынын мэри Айбек Жунушалиевдин "Жер-Ынтымагы" жаңы конушунун тургундары менен жолугушуусу өттү.

Жолугушууда шаардыктар жерлерди трансформациялоо жана коомдук транспортторго жетүү маселелерине токтолушту.

Калаа башчысы жер маселеси менен таанышуу үчүн жакынкы күндөрү аталган конушка көчмө жыйын өткөрөрүн  билдирди. Ошондой эле, тиешелүү комиссия №118 кичи автобустун каттамын конушка чейин  узартылышын жана №8 каттамдагы автобустардын санын көбөйтүүнү карайт.