“Эмгек резервдери” стадионунун жана №23- Гимназия мектебинин окуу-тарбия комплексинин базасында  2008-2009-жылы туулган балдар жана өспүрүмдөр арасында жашаган жери боюнча шаардык спартакиаданын  финалдык оюндары өткөрүлдү.

Төрт райондун жеңүүчүлөрү финалдык оюндарга спорттун 9 түрү боюнча катышты: кичи футбол, дартс, стол тенниси, тогуз коргоол, эстафета, аркан тартыш, балдардын жеңил атлетикасы, шашки, пионербол.

Мелдешке 276 спортчу катышып, биринчи командалык орунду Свердлов району, экинчи орунду Октябрь району жана үчүнчү орунду Ленин району ээледи.

Жеңүүчүлөр дипломдор, медалдар, кубоктор жана баалуу сыйлыктар менен сыйланышты.