20 жылга жакын убакыттан бери бул сейил бак Соода үйүндө талаптагыдай каралбай ижарада болчу.

Ишкананын кызматкерлери оңдоо иштерин жүргүзүшүп, отургучтарды, балдар аянтчасын, таштанды челектерин, фонтандарды сырдашты. Чөптөрдү оруп, жашыл тосмолорду кыркып, тазалап, эски таман таштарды алмаштырышты.

Фонтан да иретке келтирилип, сырдалып, оңдолуп, ишке киргизилди.

Бул сейил бак жакында ишкананын балансына өткөрүлүп берилет, учурда ал жерде тазалоо иштери жүрүп жатат.

Урматтуу шаардыктар! Биз сиздерден тартипти сактап, Тазалыктын кызматкерлеринин эмгегин сыйлоону өтүнөбүз.  Суроолор жана кайрылуулар боюнча 1850 кыска номери аркылуу борбордук мэриянын Call-борборуна кайрылсаңыздар болот. Чалуулар күнү-түнү кабыл алынат жана көйгөйлөр бар сүрөт-видео фактыларды 0554 182-185 номерине жөнөтсөңүздөр болот.