22-майда саат 12:00дө “Арча-Бешик” конушундагы "Газпром-Балдарга" спорт-эс алуу комплексинде Азия чемпиону, Дүйнө чемпиондугунун коло медалынын ээси жана Кыргыз Республикасынын көп жолку чемпиону Бекболот Рахатбековдун жаркын элесине арналган самбо боюнча эл аралык турниринин ачылышы болот.

Чемпионат 22-23-майда 2003-2005, 2006-2008-жылы туулган жигиттер арасында өтөт.

Мелдештер Кыргыз Республикасында самбонун массалык өнүгүүсүн жайылтуу, спорттун чеберчилигин жогорулатуу, КМШ республикаларынын спорт командалары менен достук мамилелерди түзүү максатында өткөрүлөт.

Иш-чараны Бишкек шаарынын мэриясынын дене тарбия жана спорт башкармалыгы Кыргыз Республикасынын Самбо федерациясы жана "Бекболот Рахатбековдун " спорттук клубу менен биргеликте уюштурууда.

Жеңүүчүлөр кубок, медалдар жана баалуу сыйлыктар менен сыйланат.