Шаар ишин улантууда. Борбор калаанын жер маселелери, курулуш жана архитектура боюнча вице-мэри Азамат Сагындык уулунун тапшырмасы менен биз Биринчи май районунун аймагын жакшыртууну улантуудабыз.

Район башчысы Максат Нусувалиев шаардык кызматтар менен биргеликте Манас жана Боталиев көчөлөрүнүн кесилишиндеги жаңы сейил бакты текшерди.

Сейил бакты сугаруу, футбол аянтчасын жана душ бөлмөсүн реконструкциялоо маселелери каралды.

Аким "Шаардык парктар" муниципалдык ишканасына жашыл аянттарды сугарууну, ошондой эле Капиталдык курулуш башкармалыгы менен биргеликте парктын түштүк тарабына кошумча скважина курууну карап чыгууну тапшырды.

№13- Муниципалдык аймактык башкармалыгы муниципалитеттин Муниципалдык мүлк башкармалыгы менен биргеликте футбол аянтчасын жана душ бөлмөсүн “Шаардык парктар” муниципалдык ишканасынын балансына өткөрүп берүү маселесин иштеп чыгышат.

Бул багытта жумуштар улантылат.

Урматтуу шаардыктар! Бардык кайрылууларды 1840, 1850, 0 (312) 591802 номурлары аркылуу мэриянын колл-борборуна калтыра аласыздар, ошондой эле, көйгөйлөрдүн  сүрөт жана видео фактыларын 0554182185 номерине жөнөтүңүздөр.