Акциянын максаты коомчулукту экология көйгөйүнө, токойлорду коргоого жана экологиялык иш-чараларды өткөрүүгө тартуу.

Ишембиликтин алкагында Токтоналиев, Түштүк магистрал көчөлөрүнүн кесилиши таштандылардан тазаланды, ошондой эле, жолдун жээгине көчөттөр отургузулду.

Иш-чарага Кыргыз Республикасынын экс-президенти Роза Отунбаева катышты.

"ТазаБИШ"  акциясы  «Роза Отунбаеванын демилгеси» коомдук фондунун  «ГЛОБАЛДУУ ОЙ ЖҮГҮРТ, ЧӨЛКӨМДӨ АРАКЕТТЕН: балдар жана жаштар арасында экологиялык жоопкерчиликти жогорулатуу» долбоорунун алкагында уюштурулду.

Ишембиликке студенттер, коомдук экологиялык уюмдардын жана мэриянын аппаратынын кызматкерлери катышты. Ошондой эле, «Жашылдандыруу» жана «Тазалык» муниципалдык ишканаларынын техникалары тартылды.