Ленин районунун 12 мектебинин базасында социалдык коргоого муктаж үй-бүлөлөрдөн бир миңден ашуун балдарды камтыган ден соолук чыңдоочу жайкы эс алуу уюштурулду.
Балдардын убактысын көңүлдүү уюштуруу максатында спорттук, көңүл ачуучу иш-чаралар, ар кандай ийримдер жана спорттук секциялар каралган.
№72, 74, 77, 84, 55 жана 93-мектептердин базасында Ленин районунун балдар чыгармачылык борбору тарабынан ийримдер уюштурулат.
Ал эми жаш техниктер станциясы №7, 55, 74-мектептердин окуучулары менен ийримдерди иштетишет.
Жайкы лагерлердин учурунда асфальтка сүрөт тартуу сынагы, спорттук мелдештер, жол кыймылына арналган «Светофор менин мыкты досум» жана «Коопсуздук кыймылы» оюндары өткөрүлөт.
