Аталган жолугушуу жаш балдар иштери боюнча комиссиянын толук курамы, балдарга карата зордук-зомбулук жана ырайымсыз мамилеге чара көрүү штабы, КМДБ, шаар тургундары, кварталдык комитеттердин төрагалары, аксакалдар соту, жашы жете элек өспүрүмдөр менен иштөө инспекторлору, бейөкмөттүк уюмдар, дарыгерлер, социалдык окутуучулар жана Свердлов районунун №21-жериликтүү аймактык башкарууга караштуу мектептердин психологдорунун катышуусунда өткөрүлдү.
Иш -чаранын максаты балдарга карата зордук-зомбулукту жана ырайымсыз мамиле кылууну алдын алуу жана түшүндүрүү иштерин жүргүзүү болуп саналат.
Жолугушуунун жүрүшүндө Свердлов райондук администрациясынын өкүлдөрү, КМДБ, «Балдарды коргоо борборунун» психологу, үй-бүлө жана балдарды колдоо бөлүмүнүн адистери аталган тема боюнча маалыматтарды берип өтүштү.