Бүгүн, 2024-жылдын 5-сентябрында шаардын мэри Айбек Джунушалиевдин катышуусунда «Баш-Карасуу» суу алгычында 5 скважинаны ишке киргизүү салтанаттуу аземи болуп өттү.

Ага мэрдин орун басарлары, шаардык кызматтардын жетекчилери, массалык маалымат каражаттарынын өкүлдөрү жана район активдери катышты.

Бул кошумча 5 артезиан кудуктары калкты ичүүчү суу менен камсыз кылууга багытталган.

Аталган долбоор Ороктун 12 айылын,  ЖЭБ-2 конушун, Ак-Өргө, Ак-Ордо конуштарынын жогорку бөлүгүн, ошондой эле Арча-Бешиктин түштүк тарабын суу менен камсыз кылат.

Жаңы скважиналарды кошуу Орто-Алыш суу алгычындагы жүктү бир топ азайтып, Баш-Карасуунун суу өндүрүмдүүлүгүн саатына 500 куб метрге чейин жогорулатат.

Скважиналарды бургулоо иштери ушул жылдын май айында башталган.

Кыргыз Республикасынын Министрлер кабинети тарабынан суу секторундагы колдоо жана аракеттерди тездетүү бул долбоорду ишке ашырууга мүмкүндүк берди. Баш-Карасуу суу тосмосун кеңейтүү үчүн КР Министрлер кабинети аянты 9,3 га жер тилкесин бөлүп, трансформациялады, ошондой эле 150 млн сом өлчөмүндө каражат бөлүндү.

Жаңы скважиналардын тереңдиги 200 метр жана суу астындагы насостор менен жабдылган. Ар бир скважинадан магистралдык коллектордук суу түтүгүнө темир-бетон скважиналары, диаметри 150 мм болгон вентиляторлор жана текшергич арматуралар орнотулган. 275 миллиметрден 500 миллиметрге чейинки ар кандай диаметрдеги суу өткөргүчтөр, диаметри 500 мм болгон эки клапандуу жер астындагы камера курулду, бул чыгыш жана батыш суу сактагычтарды толтуруу учун магистралдык суу түтүгү аркылуу сууну берүүнү камсыз кылат.

Жаңы скважиналардын үзгүлтүксүз иштешин камсыз кылуу үчүн кошумча эки трансформатор орнотулду.

Баш-Карасуу айылына суу алуучу жайдан 2,3 км узундуктагы диаметри 159 мм суу түтүгүн тартуу иштери аяктады. Учурда күчөтүүчү насостук станциянын (КНС) курулушу жүрүп жатат, бул долбоорду толук бүткөрүүгө мүмкүндүк берет.