Байланыш номерлери
0312 97-91-95 кошумча номери 1013, 0312-61-36-92
I. Жалпы жоболор
1. Бишкек шаарынын мэриясынын борбордук аппаратынын шаар куруу, архитектура жана жер маселелери боюнча бөлүмү (мындан ары - бөлүм) Бишкек шаарынын мэриясынын (мындан ары - мэрия), Бишкек шаарынын мэринин (мындан ары - мэр), Бишкек шаарынын биринчи вице-мэринин жана вице-мэрлеринин (мындан ары - вице-мэрлер), Бишкек шаарынын мэриясынын аппарат жетекчисинин (мындан ары - аппарат жетекчиси) ишин бөлүмдүн компетенциясына кирген маселелер боюнча камсыздоочу Бишкек шаарынын мэриясынын борбордук аппаратынын (мындан ары - мэриянын аппараты) бөлүмү болуп саналат.
2. Бөлүм:
1) төмөндөгүлөрдү жетектейт:
- Бишкек шаарынын мэриясынын Шаар куруу жана архитектура департаментин;
- Бишкек шаарынын мэриясынын Капиталдык курулуш башкармалыгын;
- Бишкек шаарынын мэриясынын Коомдук-мамлекеттик капиталдык курулуш башкармалыгын;
- Бишкек шаарынын мэриясынын Жер ресурстар башкармалыгын;
- Бишкек шаарынын мэриясынын Жер пайдалануу жана курулуш башкармалыгын;
- "Бишкекбашкыархитектура" муниципалдык ишканасын;
- "Жол сыноо лабораториясы" муниципалдык ишканасын.
2) Бөлүм компетенциясына кирген маселелер боюнча төмөндөгүлөр менен өз ара аракеттенүүнү камсыздайт:
- Кыргыз Республикасынын Президентинин Аппараты, Кыргыз Республикасынын Өкмөтүнүн Аппараты, Бишкек шаардык кеңештин аппараты, министрликтер, ведомстволор, мамлекеттик комитеттер, агенттиктер, фонддор, эл аралык жана өкмөттүк эмес уюмдар жана фонддор;
- аппараттын бөлүмдөрү жана мэриянын түзүмдүк бөлүмдөрү.
II. Бөлүмдүн милдеттери жана функциялары
3. Бөлүмдүн милдеттери болуп төмөндөгүлөр саналат:
1) муниципалдык жер ресурстарын натыйжалуу башкарууну жана жер пайдаланууну камсыздоо;
2) шаар куруу жана архитектура, турак жай куруу, Кыймылсыз мүлккө укуктарды каттоо маселелери боюнча иштерди координациялоо, мониторинг жүргүзүү жана талдоо;
3) Бишкек шаарынын коммуникацияларынын инфратүзүмүн өнүктүрүү;
4) шаардык курулуш программаларын түзүү жана ишке ашыруу, шаарда турак жана турак эмес объекттерди, социалдык жана өндүрүштүк багыттагы объекттерди комплекстүү куруу жаатында бирдиктүү инвестициялык саясатты жүргүзүү;
4. Бөлүм төмөндөгүдөй функцияларды аткарат:
1) Бишкек шаарында жер мамилелеринин муниципалдык саясатын ишке ашыруу;
2) Бишкек шаарынын муниципалдык менчигинде турган муниципалдык имараттарды жана жерлерди пайдалануу чөйрөсүндө муниципалдык саясатты ишке ашыруу;
3) имараттарды жана курулмаларды реконструкциялоо боюнча ишти уюштуруу;
4) шаарды куруу жана реконструкциялоо концепциясын иштеп чыгуу боюнча ишти координациялоо;
5) шаардын муктаждыктары үчүн капиталдык курулуш жана курулуш комплексинин иштешин камсыздоо үчүн товарларды жеткирүү жана жумуштарды (кызмат көрсөтүүлөрдү) аткаруу чөйрөсүндө шаардык инвестициялык тапшырыкты түзүү;
6) шаар куруу документтерин (Бишкек шаарынын Башкы планы, деталдуу пландоо долбоору, курулуш долбоору, жер пайдалануу жана курулуш эрежелери) иштеп чыгуу жана жүзөгө ашыруу боюнча ишти уюштуруу;
7) шаар курууну пландоо жана шаарды өнүктүрүү стратегиясы боюнча ишти уюштуруу;
8) шаардын архитектуралык жана эстетикалык көрүнүшүн өркүндөтүү боюнча ишти уюштуруу;
9) топонимика боюнча ишти уюштуруу.