“Тазалык” муниципалдык ишканасынын кызматкерлери борбор калааны тазалап эле тим болбостон, көрктөндүрүү иштерин да колго алууда.

Тазалыкчылар 4-кичи райондогу жараксыз абалга келген тирөөч дубалды калыбына келтирип, тепкичтерди оңдошту. Аталган жумуштарга  8 кызматкер жана атайын техника тартылган.

Ошондой эле, тепкич менен биргеликте ден-соолугунун мүмкүнчүлүгү чектелгендер үчүн пандус орнотулду. Оңдоо жана калыбына келтирүү иштери 3 күндө бүткөрүлдү.

Мындан тышкары, ишкана таштанды салган челектерди сырдоо жана дезинфекциялоо иштерин улантууда.