Бишкек шаарынын мэри Эмилбек Абдыкадыров «Бишкек санитардык полигон» муниципалдык ишканасынын ишмердүүлүгү менен таанышты.

Көчмө жыйындын жүрүшүндө  Биринчи май районунун акими Жамалбек Ырсалиев учурдагы таштанды полигонун рекультивациялоо боюнча активдүү иштер уланып жатканын белгиледи.

Өз кезегинде мэр таштанды жайындагы күйүп жаткан жерлерди тез арада локализациялоо жана өчүрүү боюнча көрүлүп жаткан чараларды күчөтүүнү тапшырды.